Լեւոն Անանյան

Հրապարակախոս, թարգմանիչ, ՀԳՄ անդամ 1989թ.

Ծնվել է 1946թ. հոկտեմբերի 13-ին, Նոյեմբերյանի շրջանի Կողբ գյուղում (այժմ` ՀՀ Տավուշի մարզ): Ավարտել է ԵՊՀ բանասիրական ֆակուլտետը: Աշխատել է հանրապետության տարբեր պարբերականներում: Շուրջ 25 տարի աշխատել է ՙԳարուն՚ ամսագրում: 1990-2001թթ. եղել է ՙԳարունի՚ գլխավոր խմբագիրը: 2001- 2005 թթ. եղել է ՀԳՄ նախագահ, վերընտրվել է 2005թ. Զուգընթաց դասախոսում է ԵՊՀ ժուռնալիստիկայի ֆակուլտետում: ՙՆոյեմբերյան ՀԿ-ի՚ նախագահն է: Ժուռնալիստների միության անդամ է£ Բազմաթիվ հրապարակախոսական հոդվածների հեղինակ է, որոնք տպագրվել են հանրապետական մամուլում: Թարգմանել եւ հրատարակել է գրքեր անգլերենից եւ ռուսերենից: Հիմնադրել է ՙԱպոլոն՚ թարգմանական հրատարակչությունը:

Վախթանգ Անանյան

Վախթանգ Անանյանը ծնվել է 1905 թ – ին Դիլիջան գավառի Պողոսքիլիսա, այժմ Շամախյան գյուղում:

Սկզբնական կրթությունը ստացել է տեղի գյուղական դպրոցում: 1915 թ – ին ընդունվել է Դիլիջանի ծխական դպրոցը, բայց ուսման վարձը չկարողանալով վճարել երկու տարուց հետո դուրս է մնում դպրոցից: Հետագայում գրողը ցավով հիշում է. – Ավարտվեց իմ ուսման ժամանակաշրջանը: Դրանից հետո իսկական դպրոց այլեւս չեմ տեսել: Իմ դպրոցը եղել է մայր բնությունը, որի գրկում ես մեծացել եմ: Continue reading Վախթանգ Անանյան

Ակսել Բակունց

Ծննդյան ամսաթիվ` 13.06.1889 Մահվան ամսաթիվ` 08.07.1937

Հայ սովետական գրող, կինոդրամատուրգ, թարգմանիչ, բանասեր: Սովորել է Գորիսի ծխական դպրոցում, ապա` Էջմիածնի Գեւորգյան ճեմարանում: Աշխատել է ուսուցիչ: 1918-ին հայ կամավորական խմբերի կազմում Էր, Կարսում, Սարդարապատում մասնակցել է ազատագրական պայքարին: Աշխատել է թղթակից, դասախոս: 1920-1923-ը ուսանել է Խարկովի գյուղատնտեսական ինստիտուտում: 1924-1926-ը եղել Զանգեզուրի գլխավոր գյուղատնտես եւ հողբաժնի վարիչ: Continue reading Ակսել Բակունց

Դավիթ Հովհաննես

Ծնվել է 1945թ. փետրվարի 17-ին, Երեւանում: Ավարտել է ԵՊՀ բանասիրական ֆակուլտետը: Աշխատել է Հայաստանի պարբերական մամուլում, ՙՀայֆիլմ՚ կինոստուդիայում, անտիկ եւ արտասահմանյան գրականության պատմություն է դասախոսել Հայաստանի մի շարք բուհերում: Հայկական հեռուստատեսությունում, որպես հեղինակ, տասը տարի վարել է ՙՆորք՚ ամենամսյա գրական հանդեսը (1980-1990): Continue reading Դավիթ Հովհաննես

Ավետիք Իսահակյան

Ծննդյան ամսաթիվ` 30.10.1875 Մահվան ամսաթիվ` 17.10.1957

Բանաստեղծ, արձակագիր, հասարակական գործիչ, Հայաստանի ԳԱ ակադեմիկոս:
Սովորել է Էջմիածնի Գեւորգյան ճեմարանում, 1893-ին ընդունվել է Լայպցիգի համալսարան՝ որպես ազատ ունկնդիր: Continue reading Ավետիք Իսահակյան

Աղասի Այվազյան

Ծնվել է 1925թ. մարտի 23-ին, Ախալցխայում (Վրաստան):
Սովորել է Թբիլիսիի Գեղարվեստի ակադեմիայում, Թբիլիսիի համալսարանի բանասիրական ֆակուլտետում, Երեւանի գեղարվեստաթատերական ինստիտուտում: Առաջին պատմվածքը տպագրվել է 1954թ. Երեւանի ՙՈզնի՚ ամսագրում: Աշխատել է գրական եւ կինո մամուլում, եղել է ՙՀայություն՚ թերթի գլխավոր խմբագիրը: Նրա սցենարներով ՙՀայֆիլմում՚ եւ մոսկովյան կինոստուդիաներում նկարահանվել են 15-ից ավելի գեղարվեստական կինոնկարներ, իսկ ինքը որպես բեմադրող-ռեժիսոր իրականացրել է 4 ֆիլմ: Նրա ստեղծագործությունները թարգմանվել են ռուսերեն, բուլղարերեն, չեխերեն, անգլերեն եւ այլ լեզուներով:

Մետաքսե

Ծնվել է 1926թ դեկտեմբերի 23-ին, Արթիկի շրջանի Արեւշատ գյուղում (այժմ` ՀՀ Շիրակի մարզ): Ավարտել է Խ. Աբովյանի անվան պետական մանկավարժական եւ Մոսկվայի Մ. Գորկու անվան գրականության ինստիտուտները: 1989-91թթ. եղել է ՀՀ Մայրության ֆոնդի նախագահի տեղակալ, իսկ 1992-95թթ.  ՀԳՄ Արցախի ազատամարտիկներին օգնող հանձնախմբի նախագահ£ 1990թ. ԱՄՆ-ում տպագրված ՙԲոլոր դարերի կին բանաստեղծները սիրո մասին՚ համաշխարհային հատընտիրում տեղ է գտել Մետաքսեի ՙԳաղտնիք չի մնում՚ բանաստեղծությունը: Թարգմանվել է աշխարհի բազմաթիվ լեզուներով: Մասնակցել է պոեզիայի միջազգային փառատոների: Զբաղվում է թարգմանությամբ: Հեղինակ է մանկական ժողովածուների:

Հրաչյա Մաթեւոսյան

Արձակագիր, հրապարակախոս

Արձակագիր, հրապարակախոս, ՀԳՄ անդամ 1985թ.

Ծնվել է 1937թ. ապրիլի 1-ին, Թումանյանի շրջանի Ահնիձոր գյուղում (այժմ` ՀՀ Լոռու մարզ):
Ավարտել է Երեւանի պրոֆտեխնիկական 3-րդ ուսումնարպանը` ստանալով գրաշար-լինոտիպիստի մասնագիտություն եւ աշխատել է Երեւանի թիվ 2 տպարանում: Ավարտել է նաեւ ԵՊՀ ժուռնալիստիկայի ֆակուլտետը: Երկար տարիներ աշխատել է Հայաստանի կույրերի միավորման հրատարակչությունում եւ մամուլում (ՙԱվանգարդ՚, ՙՀայրենիքի ձայն՚, ՙՀայաստան՚): Նրա բազմաթիվ ակնարկները, պատմվածքները, հոդվածները, հարցազրույցները տպագրվել են հանրապետական մամուլում, գրական հանդեսներում: Հրաչյա Մաթեւոսյանը Ռազմածովագիրների միջազգային ընկերակցության եւ Ժուռնալիստների միության անդամ է: Հեղինակ է նաեւ մանկական գրքերի:

Սեդա Վերմիշևա

Ծնվել է 1932թ. հոկտեմբերի 9-ին, Թբիլիսիում (Վրաստան):
Հայրական կողմից սերում է հայտնի Արղության-Երկայնաբազուկյան տոհմից : Ավարտել է ԵՊՀ տնտեսագիտության ֆակուլտետը, այնուհետեւ` ասպիրանտուրան: Շուրջ 25 տարի որպես ավագ գիտաշխատող աշխատել է ՀՍՍՀ Տնտեսագիտության եւ պլանավորման ինստիտուտում: Այժմ ՀԳՄ ռուսագիրների բաժանմունքի համանախագահն է, միաժամանակ Մոսկվայի ԳՄ, Ռուսահայերի միության վարչության եւ Ռուսաստանի կառավարությանն առընթեր ռուս-հայկական բարեկամության նախագահության անդամ է:

Ռուբեն Հովսեփյան

Ծնվել է 1939թ. մայիսի 1-ին, Երեւանում: Ավարտել է ԵՊՀ երկրաբանական ֆակուլտետը: Սովորել է նաեւ Մոսկվայում` բարձրագույն սցենարական դասընթացներում£ Աշխատել է գրական մամուլում, հեռուստատեսության եւ ռադիոհաղորդումների պետական կոմիտեում, եղել է ՙՍովետական գրող՚ հրատարակչության եւ ՙՆորք՚ ամսագրի գլխավոր խմբագիրը: Ներկայում Ռ. Հովսեփյանը Ազգային ժողովի պատգամավոր է, ՙՆորք՚ ամսագրի տնօրեն: Նրա սցենարներով ՙՀայֆիլմը՚ նկարահանել է մի շարք ֆիլմեր (ՙՀնձան՚, ՙԽնձորի այգին՚, ՙԿարոտ՚ եւ այլն): Հայ ընթերցողին նրա թարգմանությամբ ներկայացվել են Գ. Մարկեսի, Լ. Տոլստոյի, Ա. Չեխովի ստեղծագործությունները£ Նրա պատմվածքները պարբերաբար տպագրվում են գրական մամուլում, թարգմանվել են ռուսերեն, ֆրանսերեն, գերմաներեն: