Haybuben Արեւմտահայերէն Անվճար Ուսուցողական Խաղ App Store-ի Վրայ

10352384_844062795668913_8735042528328849674_n

App Store-ի վրայ արդէն հասանելի է Haybuben բջիջային յաւելուածը, որ կ՝օգնէ Սփիւռքի մէջ ապրող հայ մանուկներուն սորվելու մայրենի լեզուն: Այս մասին ԵՌԱԳՈՅՆ-ին կը յայտնեն խաղի հեղինակները։

Haybuben-ը ելեկտրոնային ուսուցողական ծրագիր է, որ նախատեսուած է Սփիւռքի փոքրիկներուն սորվեցնելու արեւմտահայերէնի հիմունքները: Ծրագիրը կ՝օգնէ փոքրիկներուն իւրացնելու այբուբենը ինքնուրոյն` առանց մեծերու օգնութեան:

Խաղը բաղկացած է երեք մասէ: Առաջինը կը ներկայացնէ այբուբենը, երկրորդը կ՝օգնէ յիշել տառերը, իսկ երրորդը կը սորվեցնէ բառեր կազմել:

Յաւելուածը ստեղծուած է IOS համակարգին համար եւ համադրելի է IOS 7 կամ աւելի բարձր տարբերակներու հետ: Խաղը նախատեսուած է ե՛ւ Iphone-ի, եւ Ipad-ի համար:

Haybuben-ը հասանելի է App Store-ի վրայ անվճար:

Ծրագիրը ստեղծուած է Mediapolis ընկերութեան կողմէ (Երեւան)` Գալուստ Կիւլպէնկեան հիմնադրամի նիւթական միջոցներով, հայաստանի մասնագէտներու կողմէ եւ հայրենադարձ արեւմտահայերէնի մասնագէտներու աջակցութեամբ:

Leave a Reply